কামপীঠ বাৰোৱাৰী শ্ৰীশ্ৰী দুৰ্গাপূজা পৰিচালনা সমিতিৰ উদ্যোগত কঞাঁ আৰক্ষী থানাৰ ভাৰপ্ৰাপ্ত বিষয়া প্ৰফুল্ল তালুকদাৰক বিদায় সম্বৰ্ধনা

বাহাৰঘাটঃ কামৰূপ জিলাৰ ৰঙিয়া মহকুমাৰ অন্তৰ্গত কঞাঁ আৰক্ষী থানাৰ ভাৰপ্ৰাপ্ত আৰক্ষী বিষয়া প্ৰফুল্ল তালুকদাৰক আজি আবেলি কামপীঠ বাৰোৱাৰী শ্ৰীশ্ৰী দুৰ্গাপূজা পৰিচালনা সমিতিয়ে বিদায় সম্বৰ্ধনা জনায়৷ তদুপলক্ষে বাৰোৱাৰী দুৰ্গাপূজা মণ্ডপ প্ৰাংগনত অনুষ্ঠিত বিদায় সম্বৰ্ধনা সভাত বিদায়ী আৰক্ষী বিষয়া গৰাকীক ফুলাম গামোছা, জাপি আৰু শৰাইৰে সম্বৰ্ধনা জনাই৷ উল্লেখ্য যে অহা ৩১ মাৰ্চত ভাৰপ্ৰাপ্ত বিষয়া গৰাকীৰ কৰ্মজীৱনৰ অৱসান ঘটিব৷ চাকৰিকালত বিদায়ী তালুকদাৰ এজন সুদক্ষ তথা কৰ্মদক্ষতা থকা আৰক্ষী বিষয়া হিচাবে সকলো পৰ্য্যায়ৰ ৰাইজকে মৰম দিবলৈ সক্ষম হৈছিল৷ আজি অৱসৰ লোৱাৰ আগমুহূৰ্তত সম্বৰ্ধনা গ্ৰহণ কৰি তালুকদাৰে কয় যে সকলো দল-সংগঠনে সম্বৰ্ধনা জনোৱাটো মোৰ কৰ্মময় জীৱনৰ স্বীকৃতিৰ নমুনা৷ মই আনন্দিত ৰাইজৰ মৰমত৷