গোলাঘাটত ১২ দিনীয়াকৈ অনুষ্ঠিত কৰা বিহু কৰ্মশালাৰ আজি সফল সামৰণি

গোলাঘাটঃ গোলাঘাটত বৰদৈচিলা সাংস্কৃতিক গোষ্ঠীৰ সৌজন্যত আৰু ফৌৰ এইচ ক্লাৱৰ উদ্যোগত গোলাঘাট জিলা পুথিভড়ালৰ সমীপত থকা ক্ৰিড়াংগণত ১২দিনীয়াকৈ অনুষ্ঠিত কৰা বিহু কৰ্মশালাৰ আজি সফল পৰিসমাপ্তি ঘটে৷ উল্লেখনীয় যে কৰ্মশালাসমূহত এটা অংশগ্ৰহণৰ মাচুল নিৰ্ধাৰণ কৰা থাকে কিন্তু অতি দৰিদ্ৰ ঘৰৰ এঘাৰজন ছাত্ৰ-ছাত্ৰীক মাচুল অবিহনে প্ৰশিক্ষণ প্ৰদান কৰে, আনহাতে প্ৰায় ৫৫ জন ছাত্ৰ-ছাত্ৰীয়ে উক্ত কৰ্মশালাত অংশগ্ৰহণ কৰা বুলি উদ্যোক্তাসকলে জানিবলৈ দিয়ে৷