লিডুত বাসন্তী পূজাৰ সোণালী জয়ন্তী বৰ্ষ উদযাপন

মাৰ্ঘেৰিটাঃ তিনিচুকীয়া জিলাৰ লিডুৰ ১নং কুহীয়াৰবাৰীত ৫০সংখ্যক বাসন্তীপূজা আয়োজন কৰা হয়। লিডুৰ অন্যতম পুৰণি বাসন্তী পূজা হিচাপে পৰিচিত ১নং কুহীয়াৰবাৰী বাসন্তী পূজাৰ সোণালী জয়ন্তী বৰ্ষ উদযাপন কৰা হয়।

আজি পুৱাৰ ভাগতেই আঞ্চলিক পঞ্চায়ত সদস্য সুখদেৱ শৰ্মায় সোনালী জয়ন্তী বৰ্ষৰ পতাকা উত্তোলন কৰাৰ পিছতেই উদযাপন সমিতিৰ সভাপতি তুলন হাজংৰ নেতৃত্বত বাৰে ৰহনীয়া সাংস্কৃতিক শোভাযাত্ৰাৰ আয়োজন কৰা হয়।

অহা কালি অষ্টমী পূজাৰ পিছতেই মুকলিসভা আৰু আমন্ত্ৰীত অতিথি সকলৰ সম্বৰ্ধনা আৰু আনন্দময়ী নামে এখনি স্মৃতি গ্ৰন্থ উন্মোচন কৰা হ’ব যত মুখ্য অতিথি হিচাপে উপস্থিত থাকিব মাৰ্ঘেৰিটা সমষ্টিৰ বিধায়ক ভাষ্কৰ শৰ্মা মহকুমাধীপতি পলাশ ৰাজকুমাৰ আহোম।

উদযাপন সমিতিয়ে সকলো ভক্তপ্ৰাণ ব্যক্তি হিচাপে জাতি ধৰ্ম ভাষা সকলোকে এই সোণালী জয়ন্তী পূজাত অংশগ্ৰহণ কৰিবলৈ নিমন্ত্ৰণি জনায়।