বৰ্ণিল শোভাযাত্ৰাই মোহিলে বৃহত্তৰ বাৰাংহাটী অঞ্চল

বাহাৰঘাটঃ বৰ্ণিল শোভাযাত্ৰাই মোহিলে বৃহত্তৰ বাৰাংহাটী অঞ্চল৷ ৫৬ সংখ্যাক বৃহত্তৰ বাৰাংহাটী ৰঙালী বিহু সন্মিলনৰ পহিলা দিনৰ কাৰ্য্যসূচীত ৰাইজৰ ব্যাপক সহাৰি৷ পুৱাৰে পৰা হোৱা নেৰানেপেৰা বৰষুণকো নেওচি হিলদলভাঙি ওলাই আহিল হেপাঁহৰ ৰঙালী বিহুৰ সাংস্কৃতিক শোভাযাত্ৰালৈ৷ ঢোল পেঁপা, গগনা, বিহুগীতৰ সুৰৰ মুৰ্চনাই বৃহত্তৰ বাৰাংহাটীৰ আকাশ-বতাহত প্ৰতিধ্বনিত হ’ল ৰঙালীৰ বতৰা৷ ওজাপালি নাগাৰানাম, খেৰাই, বাগৰুম্বা, শ্ৰৱন কীৰ্তন, ঘোষানামৰ সুৰে আদৰিলে হেপাহৰ ৰঙালীক৷ আজিৰে পৰা তিনিদিন ধৰি অনুষ্ঠিত হ’ব বৃহত্তৰ বাৰাংহাটী ৰঙালী বিহু সন্মিলন৷