বৰপেটাৰ জাৰাবাৰীত সমূহীয়া ইফতাৰ মেহ্ফিল সম্পন্ন

বৰপেটাঃ বৰপেটা জিলাৰ সৰুক্ষেত্ৰী সমষ্টিৰ অন্তৰ্গত জাৰাবাৰীত বৃহত্তৰ জাৰাবাৰী অঞ্চলৰ অগ্ৰণী স্বেচ্ছাসেৱী সংস্থা প্ৰতিভা বিকাশ মঞ্চ ও জাৰাবাৰী আঞ্চলিক ই ৰিক্সা সন্থাৰ যৌথ উদ্যোগত আৰু ৰাইজৰ সহযোগত ৰাজহুৱা ইফতাৰ মেহ্ফিল সম্পন্ন হৈ যায়। উদ্যোক্তাসকলে সপ্তাহজোৰা ছ'চিয়েল মিডিয়াৰ জৰিয়তে প্ৰচাৰ কৰাৰ ফলত ভূলোকাবৰী, ভূলোকাবৰী পাথাৰ, জাৰাবাৰী, পুতলাৰটাৰী, খাবলাৰভিঠা গাঁৱৰ প্ৰায় ৭ শতাধিক লোকে জাৰাবাৰীস্থিত বি জে পি এম ই মাদ্ৰাছা খেলপথাৰত সমূহীয়া ইফতাৰ মেহ্ফিলত অংশগ্ৰহণ কৰে। পৱিত্ৰ ৰমজান মাহ উপলক্ষে ইছলাম ধৰ্মাৱলম্বী লোকসকলে গোটেইদিন ৰোজা ৰাখি ইফতাৰৰ সময়ত বিশ্বশান্তি আৰু ভাতৃত্ববোধৰ বাবে পৰম কৰুণাময় আল্লাহৰ ওচৰত প্ৰাৰ্থনা জনায়।