বৰপেটাঃ আজি পুৱা পতাকা উত্তোলন, স্মৃতি তৰ্পনৰ পিছতে আৰম্ভ হয় শোভাযাত্ৰা৷ জিলা উপায়ুক্ত তেজ প্ৰসাদ ভূচালে ফ্লেগ অফ কৰি শুভাৰম্ভ কৰা এই শোভাযাত্ৰাত বিভিন্ন সাংস্কৃতিক দলৰ লগতে প্ৰাক্তন ছাত্ৰ-ছাত্ৰী, বৰ্তমানৰ ছাত্ৰ-ছাত্ৰী, শিক্ষাগুৰুৰ লগতে শুভাকাংক্ষীসকলে অংশগ্ৰহণ কৰে৷ স্মৰ্তব্য যে, ১৮৭১ চনত ব্ৰিটিছ চৰকাৰে স্থাপন কৰা এইখন বিদ্যালয়ে বহু ঘাট-প্ৰতিঘাটৰ অন্তত আজি নিজৰ ডেৰশ বছৰীয়া জন্মজয়ন্তীৰ সামৰণি অনুষ্ঠান অনুষ্ঠিত কৰিবলৈ সক্ষম হৈছে। এইখন বিদ্যালয়ৰ পৰা সৃষ্টি হৈছে একোজন মানৱ সম্পদ। উদাহৰণ স্বৰূপে টাইৱানৰ ৰাষ্ট্ৰদূত গৌৰাংগ লাল দাস, আৰক্ষী অধীক্ষক প্ৰণৱ জ্যোতি গোস্বামী বৰপেটা চৰকাৰী উচ্চতৰ মাধ্যমিক বিদ্যালয়ৰ দান। আজিৰ এই অনুষ্ঠানৰ মাজতেই অহা এজাক মুষলধাৰ বৰষুণে শোভাযাত্ৰাত ব্যাঘাত জন্মায়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।