বাহাৰঘাটঃ মহাবিদ্যালয়ৰ গ্ৰন্থগাৰিকা ড০ লতিকা শৰ্মাৰ উদ্যোগত মহাবিদ্যালয় শিক্ষক কৰ্মচাৰীৰ সহযোগত উদযাপিত হয় বিশ্ব গ্ৰন্থ দিৱস৷ তদুপলক্ষে দুপৰীয়া মহাবিদ্যালয় প্ৰাংগনত ভাৰপ্ৰাপ্ত অধ্যক্ষ ড০ ৰাতুল চন্দ্ৰ শৰ্মাৰ সভাপতিত্বত অনুষ্ঠিত হোৱা সভাত বিশিষ্ট সমাজসেৱী এমট্ৰনৰ উপ প্ৰৱন্ধক দীনমণি ভাণ্ডাৰ কায়স্থ সন্মানীয় অতিথি হিচাবে উপস্থিত থাকে৷ সভাত বিশ্ব গ্ৰন্থ দিৱস উপলক্ষে সমাজৰত্ন বটা প্ৰাপক ভাণ্ডাৰ কায়স্থক মহাবিদ্যালয় কৰ্তৃপক্ষৰ তৰফৰ পৰা মানপত্ৰ, গামোছা আৰু কিতাপৰে সম্বৰ্ধনা জনায়৷ মহাবিদ্যালয়ৰ ৰাজনীতি বিজ্ঞান বিভাগৰ মুৰব্বী অধ্যাপক তপন কুমাৰ শৰ্মাই আতধৰা সম্বৰ্ধনা অনুষ্ঠানত মহাবিদ্যালয় পুথিভঁৰালৰ তৰফৰ পৰা অধ্যাপক, সাংবাদিক আৰু এগৰাকী নিয়মীয়া ছাত্ৰক কিতাপ আৰু গামোছাৰে সম্বৰ্ধনা জনাই৷ সভাত সাংবাদিক প্ৰনৱজ্যোতি কলিতাই এটি বৰগীতৰে সকলোকে মন্ত্ৰমুগ্ধ কৰে৷ গ্ৰন্থগাৰিকা ড০ লতিকা শৰ্মাই উদ্দেশ্য ব্যাখ্যা কৰা সভাখনৰ আৰম্ভণিতে মহাবিদ্যালয়ৰ ভাৰপ্ৰাপ্ত অধ্যক্ষ গৰাকীয়ে বন্তি প্ৰজ্বলন কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।