খাৰুপেটীয়াঃ আজি অনুষ্ঠিত হয় ইছলাম ধৰ্মালম্বী লোকসকলৰ পবিত্ৰ ঈদ-উল-ফিতৰৰ সমূহীয়া নামাজ। ক’ভিডৰ বাবে বিগত দুটা বছৰ অনুষ্ঠিত হোৱা নাছিল সমূহীয়া ঈদৰ নামাজ। সামূহিকভাৱে দেশ ক’ভিডমুক্ত হোৱাৰ পিছত এইবছৰ সমগ্ৰ দেশৰ লগতে দৰঙৰ খাৰুপেটীয়া, দলগাও আদি অঞ্চলৰ বিভিন্ন ঈদগাহত অনুষ্ঠিত হয় ইছলাম ধৰ্মাৱলম্বী লোকসকলৰ সমূহীয়া ঈদ-উল-ফিতৰৰ নামাজ।
উল্লেখযোগ্য যে জিলাখনৰ ভিতৰত সৰ্ববৃহৎ নিজ খাৰুপেটীয়াৰ বেলতলী ঈদগাহ ময়দানত বিভিন্ন প্ৰান্তৰ পৰা অহা ২০ সহস্ৰাধিক লোক একেলগে সমবেত হৈ সমূহীয়াকৈ ঈদৰ নামাজ আদায় কৰি বিশ্বশান্তিৰ বাবে দোৱা প্ৰাৰ্থনা কৰে। লগতে নামাজৰ অন্তত পৰস্পৰে পৰস্পৰৰ সৈতে আলিঙ্গন কৰি ঈদৰ শুভেচ্ছা জ্ঞাপন কৰে। উক্ত নামাজৰ ইমামতি কৰে মৌলানা তালেবুদ্দিন আহমেদে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।