সমগ্ৰ অসম ভ্ৰমণ কৰি বৰপেটাত উপস্থিত গহপুৰৰ চাইকেল আৰোহী

বৰপেটাঃ এক মহৎ উদ্দেশ্য আগত ৰাখি সমগ্ৰ অসম চাইকেলেৰে ভ্ৰমণ কৰি ফুৰা পাঁচজনীয়া যুৱকৰ এটি দল আহি উপস্থিত হয় বৰপেটাত। মূলতঃ প্লাষ্টিক বৰ্জন, গঁড় নিধন ৰোধ কৰা, গছ জীয়াই ৰখা আৰু ড্ৰাগছ মুক্ত অসম গঢ়াৰ পণ লৈ গহপুৰৰ এই যুৱক সকলে সমগ্ৰ অসম চাইকেলেৰে ভ্ৰমি ফুৰিছে।

বৰপেটাত আহি উপস্থিত হৈ যুৱক সকলে ৰাতিপুৱাৰ জলপান গ্ৰহণ কৰি কোকৰাঝাৰ অভিমুখে ৰাওনা হয়। সাংবাদিকৰে হোৱা কথোপকথনত জানিবলৈ দিয়ে যে, এক মহৎ উদ্দেশ্য আগত ৰাখি তেওঁলোকে সমগ্ৰ অসম চাইকেলেৰে ভ্ৰমি ফুৰা এক পণ লৈ গহপুৰৰ পৰা এই যাত্ৰা আৰম্ভ কৰে। প্ৰায় ২০ দিন পিছত আজি তেওঁলোকে বৰপেটাত আহি উপস্থিত হৈ বৰপেটা বাসী ৰাইজৰ আতিথ্যত আপ্লুত হৈ পৰে।