কামপুৰঃ সমগ্ৰ অসমৰ লগতে নগাঁও জিলাৰ কঠিয়াতলীৰ শগুনবাহী চাহ-বাগিছা আদৰ্শ উচ্চ মাধ্যমিক বিদ্যালয়ৰ দ্বাৰ মুকলি কৰিব অসম চৰকাৰে স্বাস্থ্য মন্ত্ৰীজনে। শগুনবাহী বিদ্যালয় খনৰ লগতে মন্ত্ৰীজনে আজি মুঠ চাৰিখন বিদ্যালয়ৰ দ্বাৰ মুকলি কৰিব। শগুনবাহী চাহ-বাগিছাৰ পাছতেই পুৰণা শালনা চাহ-বাগিছা, কেলিদেন চাহ বাগিছা, দিজুভেলী চাহ-বাগিছা বিদ্যালয়ৰ শুভ উদ্বোধন কৰিব অসম চৰকাৰৰ কেবিনেট মন্ত্ৰী গৰাকীয়ে। আজি সমগ্ৰ অসমত ৯৬খন বিদ্যালয় চাহ-বাগিছা সমূহত দ্বাৰ মুকলি কৰা হ'ব। আজি এই সভাতে স্বাস্থ্য মন্ত্ৰীজনে ৫০ লাখ টকা পুনৰ আন্তঃগাথঁনিৰ নামত বিদ্যালয়লৈ প্ৰদান কৰিব বুলি জানিব দিয়ে। লগতে তৃতীয় বৰ্গ আৰু চতুৰ্থ বৰ্গৰ চাকৰি সমূহৰ বাবে সাক্ষাৎকাৰৰ ব্যৱস্থা কৰি চাহ বাগিছাৰ লোকসকলক বিশেষ অগ্ৰাধিকাৰ দিব বুলি জানিব দিয়ে। ইফালে অক্টোবৰ মাহৰ পৰা অসম চৰকাৰৰ তৰফৰ পৰা চাহ বাগিছাত থকা লোকসকলক মাটি পট্টা প্ৰদান কৰিব বুলি জানিবলৈ দিয়ে। আনহাতে স্কুল কৰ্তৃপক্ষক ৬মাহৰ মুৰত হ'লেও এখন অভিভাৱক সভা অনুষ্ঠিত কৰিবলৈ নিৰ্দেশ দিয়ে। উল্লেখযোগ্য যে এই অনুষ্ঠানত উপস্থিত থাকে নগাঁও জিলাৰ উপায়ুক্ত, বঢ়মপুৰ সমষ্টিৰ বিধায়ক জিতু গোস্বামীৰ লগতে বহুতো উচ্চ পদস্থ বিষয়সকল।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।