জামুগুৰিহাটঃ চতিয়া সমষ্টিৰ অন্তৰ্গত জামুগুৰিহাটৰ সমীপৰ জয়সিদ্ধি হাইস্কুল প্ৰাঙ্গনত দুদিনীয়া কাৰ্য্যসূচীৰে মনাই জয়পুৰ যুৱক সংঘৰ ৪১ সংখ্যক বাৰ্ষিক অধিৱেশন সম্পন্ন হয়। অধিৱেশন খনিৰ মুল সভাৰ সভাপতিৰ আসন অলংকৃত কৰে মনাই জয়সিদ্ধি হাইস্কুলৰ অৱসৰপ্ৰাপ্ত কৃতি শিক্ষক প্ৰফুল্ল নাথে৷ নিদিৰ্ষ্ট বক্তা হিচাপে অংগ্ৰহণ কৰে অৱসৰ প্ৰাপ্ত শিক্ষক মিন্টু নাথে৷ বিশিষ্ট অতিথি হিচাপে অংগ্ৰহণ কৰে বিশ্বনাথ জিলা বড়ো সাহিত্য সভাৰ সহকাৰী সম্পাদক মনিৰাম বসুমতাৰীয়ে।
মুল সভাখনিত বিশিষ্ট ব্যক্তিসকলক ফুলাম গামোছাৰে সম্বৰ্ধনা জ্ঞাপন কৰাৰ লগতে প্ৰকৃতিৰ সুৰক্ষাৰ বাবে একোটাকৈ গছপুলি উপহাৰ প্ৰদান কৰে। ইয়াৰ পিচতে বিভিন্ন প্ৰতিযোগিতাৰ স্থান প্ৰাপ্তসকলক সকলৰ মাজত বঁটা বিতৰণ কৰা হয়৷ সন্ধিয়াৰ সাংস্কৃতিক অনুষ্ঠানত বৰগীত, দিহানাম প্ৰদৰ্শনৰ লগতে মূখ্য আকৰ্ষণ হিচাবে অঞ্চলটোৰ যুৱক-যুৱতিসকলৰ দ্বাৰা অভিনিত নাট্যকাৰ নগেন নাথৰ পৰিচালনাত "মহাযুদ্ধৰ সেনাপতি" নাটভাগ মঞ্চষ্ঠ কৰি ৰাইজৰ বিপুল সমাদৰ লাভ কৰিবলৈ সক্ষম হয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।