জামুগুৰিহাটঃ শোনিতপুৰ জিলাৰ নদুৱাৰ শিক্ষাখণ্ডৰ অধিনৰ বাকোলা মজলীয়া বিদ্যালয়ৰ ছাত্ৰ-ছাত্ৰীৰসকলে প্ৰকাশ কৰি উলিওৱা এখন প্ৰাচীৰ পত্ৰিকা আজি উন্মোচন কৰে নদুৱাৰ শিক্ষা খণ্ডৰ প্ৰাথমিক শিক্ষা বিষয়া পিটাৰ চৌধুৰীয়ে৷ প্ৰাচীৰ পত্ৰিকা উন্মোচন কৰি শিক্ষা বিষয়া গৰাকীয়ে কয়-প্ৰাচীৰ পত্ৰিকাৰ জৰিয়তে কন কন শিশুসকলে কোমল বয়সতে নিজৰ সাহিত্য বিকাশৰ সুবিধা লাভ কৰে৷
এনে সাহিত্য চৰ্চাই এটি শিশুৰ মন-মগজুক শৃংখলিত ৰূপত আত্মপ্ৰকাশ কৰাৰ লগতে স্মৃতিশক্তি উৰ্ব্বৰ কৰাৰ পৰিৱেশ সৃষ্টি কৰে৷ বাকোলা অঞ্চলটোৰ বহু কেইখন প্ৰাথমিক আৰু উচ্চ প্ৰাথমিক বিদ্যালয়ৰ শিক্ষক শিক্ষয়ত্ৰীয়ে অংশগ্ৰহণ কৰা সভাত সদৌ অসম মজলীয়া স্কুল শিক্ষক সন্থাৰ সভাপতি ৰনজিৎ বৰঠাকুৰে অংশগ্ৰহণ কৰি বাকোলা মজলীয়া বিদ্যালয়ৰ বিদ্যায়তনিক দিশৰ প্ৰশংসা কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।