মৰিগাঁওঃ ২০ জুন তাৰিখে সমগ্ৰ অসমতে ৰাভা দিৱস হিচাপে উদযাপন কৰা হয়। ৰাভা দিৱসৰ উদযাপন ক্ষেত্রত সদৌ অসম ছাত্ৰ সন্থাই অতীজৰে পৰা মুখ্য ভূমিকা পালন কৰি আহিছে। তাৰে সমান্তৰালভাৱে এইবাৰ মৰিগাঁৱত আটক ধুনীয়াকৈ উদযাপন কৰা হব কেন্দ্ৰীয় ৰাভা দিৱস। দুদিনীয়া কাৰ্যসূচীৰে অনুষ্ঠিত হ’বলগীয়া ৰাভা দিৱসৰ লগত সংগতি ৰাখি দেওবাৰে মৰিগাঁও জিলা স্কুল খেল পথাৰত বিভিন্ন ৰীতি-নীতিৰ মাজেৰে আনুষ্ঠানিকভাৱে লাইখুটা স্থাপন কৰা হয়। মৰিগাঁও সদৰ ছাত্ৰ সন্থাৰ উদ্যোগত লাইখুটা স্থাপন কাৰ্য্যসূচীত তিৱা ৰাজ দৰবাৰৰ সভাপতি জোৰ সিং বৰদলৈয়ে লাইখুটা স্থাপন কৰে। লগতে উক্ত অনুষ্ঠানত উপস্থিত থাকে মৰিগাঁও চহৰৰ বিভিন্ন গুনমান্য ব্যক্তিসকল।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।