দলগাঁও বালিকা মধ্য ইংৰাজী বিদ্যালয়ত ৰাইজৰ উৎসৱ

খাৰুপেটীয়াঃ আজি ৰাইজৰ উৎসৱৰ প্ৰথমটো দিন৷ দৰং জিলা সৰ্বশিক্ষা মিছনৰ সৌজন্যত আজি দলগাঁও শিক্ষা খণ্ডৰ অন্তৰ্গত দলগাঁও বালিকা মধ্য ইংৰাজী বিদ্যালয়ৰ সমূহ ছাত্ৰী, শিক্ষক-শিক্ষয়িত্ৰী, বিদ্যালয় পৰিচালনা সমিতিৰ সভাপতি তথা সদস্যবৃন্দ, বিদ্যালয়ৰ অভিভাৱক সকল, দলগাঁও খণ্ড উন্নয়ন বিষয়া সিতেশ্বৰ নাথ, চি আৰ চি চি সহিতে এক দীঘল সমদল উলিয়ায়৷

বিদ্যালয় এখনৰ প্ৰধান স্তম্ভ হ'ল ছাত্ৰী, শিক্ষক, অভিভাৱক সকল৷ অভিভাৱক তথা ৰাইজক বিদ্যালয় খনত জড়িত কৰণেই এই উৎসৱৰ মূল উদ্দেশ্য৷ তিনিদিনীয়া কাৰ্যসূচীত মুলত  অভিভাৱক সকলৰ মুকলি সভা, খেল-ধেমালী, সাংস্কৃতিক অনুষ্ঠান আদি অনুষ্ঠিত হব বুলি অৱগত কৰে প্ৰধান শিক্ষক আকবৰ-ই-জাহানে৷