নলবাৰীত পথ দুৰ্ঘটনাঃ নিহত কন্যাৰ বিয়াৰ বজাৰৰ বাবে ওলাই যোৱা পিতৃ

নলবাৰীঃ নলবাৰীত লাউৱাৰদল চকত আজি সন্ধিয়া এক শোকাবহ পথ দুৰ্ঘটনা সংঘটিত হয়। পথ দুৰ্ঘটনাটোত নিহত হয় এগৰাকী দিন হাজিৰা কৰা লোক। জানিব পৰা মতে এখন দ্ৰুত বেগী বগা ৱাগনাৰ গাড়ীয়ে পথচাৰীজনক মহতীয়াই লৈ যায়। মৃত লোকজন বালিকাৰীয়াৰ ভকতপাৰাৰ জীতেন দাস বুলি চিনাক্ত কৰা হৈছে।

উল্লেখযোগ্য যে নিহত জীতেন দাসৰ জ্যেষ্ঠ কন্যাৰ কাইলৈ আছিল জোৰণ। বিয়াৰ কামৰ বাবে ওলাই যোৱা অৱস্থাতে এইদৰে কৰুণ মৃত্যুক সাবতিলে জীতেন দাসে। ইপিনে দুৰ্ঘটনা সংঘটিত কৰিয়ে ৱাগনাৰখন পলায়ন কৰে।