চাপৰঃ হিন্দু শাস্ত্ৰমতে সমাজৰ অপায় অমংগল দূৰ কৰাৰ বাবে মা-কালীক পূজা-অৰ্চনা কৰা হয়। এই দৃশ্য ধুবুৰী জিলাৰ চাপৰ চক্ৰৰ অন্তৰ্গত শালকোচাৰ শামৰাইপাৰা পূজা থলীৰ। এই পুজাথলীত বহু বছৰ ধৰি শামৰাইপাৰাৰ নাথ-যোগী সমাজৰ ডেকা-বুঢ়া সকলোৱে মিলি ধৰ্মীয় ৰীতি-নীতিৰে বাঁহ পূজা-অৰ্চনা কৰি আহিছে। বাঁহ পূজা হ’ল শক্তি পূজাৰ এটা অংশ।
মা কালীৰ পূজা-অৰ্চনা কৰা হয়। যিহেতু আগৰ দিনত চিকিৎসক আৰু চিকিৎসালয়ৰ সংখ্যা কম আছিল সেয়ে মহামাৰীৰ পৰা হাত সাৰিবলৈ আৰু অপ-শক্তি নিবাৰণৰ বাবে এই বাঁহ পূজাটো কৰা হৈছিল বুলি জানিব দিয়ে উদ্যোগক্তা সকলে।
লগতে জানিব পৰা যায় যে সকলো দেৱ-দেৱীক বাঁহ ৰূপে পূজা-অৰ্চনা কৰা হয় আৰু প্ৰত্যকটো বাঁহৰ ওপৰত চোঁহৰ দিয়া হয়। এই প্ৰথাটো প্ৰায় ৩০০ বছৰৰ পৰা চলি আহিছে বুলি জানিবলৈ দিয়ে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।