জামুগুৰিহাটঃ সদ্যঘোষিত মেট্ৰিক পৰীক্ষাৰ ফলাফল অনুসৰি উত্তীৰ্ণ হোৱা চতিয়া সমষ্টিৰ অন্তৰ্গত টুপীয়া বগাবিল অঞ্চলত ছাত্ৰ-ছাত্ৰীসকলক বিধায়ক পদ্ম হাজৰিকাৰ নেতৃত্বত দলীয় কৰ্মকৰ্তাসকলে অভিনন্দন পত্ৰ প্ৰদান কৰে৷ সমষ্টিটোৰ প্ৰান্তে প্ৰান্তে ইতিমধ্যে ছাত্ৰ-ছাত্ৰীসকল অনুপ্ৰেৰণা যোগাবলৈ বিধায়কগৰাকীৰ হৈ পঞ্চায়ত প্ৰতিনিধিসকলে প্ৰদান কৰিছে অভিনন্দন পত্ৰ৷
সমান্তৰালভাৱে টুপীয়া বগাবিলত পুনৰবাৰ শীৰ্ষত থকা ৬ গৰাকী ছাত্ৰ-ছাত্ৰীক প্ৰদান কৰা হয় চতিয়া সমষ্টিৰ বিধায়কৰ অভিনন্দন পত্ৰ৷ আজি চতিয়া সমষ্টিৰ বিধায়ক পদ্ম হাজৰিকাই সদ্য ঘোষিত হাইস্কুল শিক্ষান্ত পৰীক্ষাত উত্তিৰ্ণ হোৱা ছাত্ৰ-ছাত্ৰীসকলক আন্তৰিক শুভেচ্ছা জ্ঞাপন কৰে। সম্বৰ্ধনা অনুষ্ঠানত বিজেপি দলৰ যুৱ সদস্য সঞ্জয় শৰ্মা, বুথ কমিটিৰ সদস্য ৰাজু চিতলাৰ লগতে বিভিন্ন কীৰ্তন সংঘৰ মহিলাসকলৰ উপস্থিতিত মেট্ৰিকত সুখ্যাতি অৰ্জন কৰা ছাত্ৰ-ছাত্ৰী সকলক অভিনন্দন পত্ৰ প্ৰদান কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।