শালবাৰীঃ মানাহৰ গাতে লাগি থকা তথা বাক্সাৰ শালবাৰীৰ বাঁহবাৰীস্থিত সেউজ জাতীয় বিদ্যালয়ত আজি এক বিজয় উৎসৱ উদযাপন কৰা হয়৷ যোৱা সাত জুনত ঘোষণা কৰা হাইস্কুল শিক্ষান্ত পৰীক্ষাৰ ফলাফলত অতিকৈ পিছপৰা অঞ্চলৰ শিক্ষানুষ্ঠানখনৰ ৰমজান আলী নামৰ এগৰাকী ছাত্ৰই ৮৩ শতাংশ নম্বৰ লাভ কৰি ডিষ্টিংচনসহ উত্তীৰ্ণ হ’বলৈ সক্ষম হয়৷ সেইবাবেই আজি বিদ্যালয় প্ৰাংগণত আয়োজন কৰা বিজয় উৎসৱত হাইস্কুল শিক্ষান্ত পৰীক্ষাত উত্তীৰ্ণ হোৱা বিদ্যালয়খনৰ আটাইকেইগৰাকী পৰীক্ষাৰ্থীকে বিদ্যালয় কৰ্তৃপক্ষৰ ফালৰপৰা ৰাজহুৱাভাবে সম্বৰ্ধনা জনোৱা হয়৷ অনুষ্ঠানত মানাহৰ বাঁহবাৰী ৰেঞ্জৰ বন বিষয়া বাবুল ব্ৰহ্ম,সমাজ সচেতন ব্যক্তি ধনজিৎ দাস,বাঁহবাৰী আৰক্ষী চকীৰ ভাৰপ্ৰাপ্ত বিষয়া প্ৰমুখ্যে কেইবাগৰাকী বিশিষ্ট ব্যক্তিয়ে অংশগ্ৰহণ কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।