জামুগুৰিহাটঃ জামুগুৰিহাটৰ সমীপৰ নাগশংকৰ নাট্য ভৱনত শনিবাৰে সন্ধ্যা আলোক গোষ্ঠীৰ উদ্যোগত "বন্দীশাল" নাটভাগ মঞ্চস্থ কৰে। নাট্যকাৰ ড০ ভৱেন্দ্ৰনাথ শইকীয়া ৰচিত আৰু জুলেন ভূঞাৰ দ্বাৰা পৰিচালনা কৰা এখন সুন্দৰ নাট "বন্দীশালে" দৰ্শকৰ বিপুল সমাদৰ লাভ কৰে। বিশিষ্ট অতিথি হিচাপে উপস্থিত থাকি চতিয়া সমষ্টিৰ বিধায়ক পদ্ম হাজৰিকাৰ লগতে চতিয়া আঞ্চলিক পঞ্চায়তৰ সভাপতি লক্ষীকান্ত বৰা, নাগশংকৰ জিলা পৰিষদৰ সদস্য হিতেশ বৰুৱাৰ লগতে বহুকেইগৰাকী বিশিষ্ট ব্যক্তিয়ে নাটভাগ উপভোগ কৰে। বিধায়কগৰাকীয়ে নাটভাগ উপভোগ কৰি কয় যে- "এই নাটভাগত সকলোৱে উন্নত মাণদণ্ডৰ অভিনয় কৰিছে আৰু নাটভাগো সুন্দৰকৈ উপস্থাপন কৰিছে। আলোক গোষ্ঠীৰ এই প্ৰচেষ্টাৰ জৰিয়তে অঞ্চলটোৰ উঠি অহা প্ৰজন্মই নাটকৰ জৰিয়তে ভাল অভিনেতা হোৱাৰ লগতে নাটকৰ এক ভাল পৰিৱেশ হোৱাৰ কামনা কৰিছো।"
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।