জামুগুৰিহাটঃ জামুগুৰিহাটৰ ঐতিহ্যমণ্ডিত নৰোৱা থানত আজি নদুৱাৰ মণ্ডল বিজেপিৰ যুৱ মৰ্চাৰ উদ্যোগত আৰু উত্তৰ বৰভগীয়া আঞ্চলিক যুৱ মৰ্চাৰ সহযোগত মন্দিৰ চৌহদত চাফাই অভিযান আৰু বৃক্ষ ৰোপণ কাৰ্যসূচী সম্পন্ন কৰা হয়৷ যুৱ মৰ্চাৰ এই কাৰ্যসূচীত অংশগ্ৰহণ কৰি চতিয়া সমষ্টিৰ বিধায়ক পদ্ম হাজৰিকাই কয়- "গুৰুজনাৰ এই পূন্য স্থানত যুৱ মৰ্চাৰ সদস্য সকললে চাফাই অভিযানৰ লগতে গছপুলি ৰোপণৰে যি মহানতা দেখুৱালে এই লৈ মই গৌৰৱ অনুভৱ কৰিছো৷
অকল ধৰ্মীয় স্থানতেই নহয় বিদ্যা মন্দিৰ আৰু ৰাজহুৱা স্থান সমুহো সুন্দৰকৈ সজায় পৰাই তোলাৰ দ্বায়িত্ব লওক যুৱমৰ্চাৰ সদস্য সকলে৷ যুৱমৰ্চাৰ এনেধৰণৰ প্ৰতিটো পদক্ষেপত মই আন্তৰিকতাৰে সহায় কৰি যাম বুলিও মন্তৱ্য কৰে বিধায়ক পদ্ম হাজৰিকাই৷ আজিৰ এই চাফাই আৰু বৃক্ষৰোপণ কাৰ্যসূচীত নদুৱাৰ মণ্ডল বিজেপিৰ যুৱ মৰ্চাৰ বিষয়ববীয়া প্ৰমুক্ষে সদস্য সকলৰ উপস্থিতিত বিধায়ক গৰাকীয়ে এটি গছপুলিও ৰোপণ কৰে নৰোৱা থানৰ চৌহদত৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।