বৰপেটাঃ সমগ্ৰ ৰাজ্য বলীয়া বানত তচনচ। বানাক্ৰান্তৰ যেন দুখৰ অন্ত নাই। এটি ওখ ঠাই বিচাৰি এতিয়া সৰ্বত্ৰতে হাহাকাৰময় পৰিৱেশ। নিজৰ ঘৰ মাটি এৰি এতিয়া শিবিৰে শিবিৰে আশ্ৰয় গ্ৰহণ বানাক্ৰান্ত সকলৰ। শিবিৰ বিলাকতো দেখা দিছে তীব্ৰ খাদ্য সংকট। এই বানাক্ৰান্ত সকলৰ দুখ উপলব্ধি কৰি ইউনিয়ন বেংক অব ইণ্ডিয়াৰ ৰিজিওনেল অফিচ গুৱাহাটীৰ উদ্যোগত আজি বৰপেটাত বান সাহায্য বিতৰণ কাৰ্যসূচী এটি গ্ৰহণ কৰে।
ইউনিয়ন বেংক অব ইণ্ডিয়াৰ কৰ্মকৰ্তা সকলে বৰপেটা সত্ৰৰ ভিতৰত থকা কেওলীয়া ভকতৰ পৰা আদি কৰি সত্ৰৰ ভকত বৈষ্ণৱ সকলক সাহায্য সামগ্ৰী বিতৰণ কৰে। ইয়াৰ পিছতেই বৰপেটা চহৰৰ বিভিন্ন শিবিৰে শিবিৰে গৈ চাউল, দালি, চিৰা, গাখীৰ, বিস্কুট, নিমখ, মিঠাতেল, ORS আৰু গা ধোৱা চাবোনেৰে এই সকল লোকক সহায় কৰে। এই বান সাহায্য বিতৰণ অনুষ্ঠানত ইউনিয়ন বেংক অব ইণ্ডিয়াৰ ৰিজিওনেল অফিচ গুৱাহাটী শাখাৰ উৰ্দ্বতম কৰ্তৃপক্ষৰ লগতে বেংকৰ কৰ্মকৰ্তাসকল উপস্থিত থাকে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।