চেঙাত হাইস্কুল শিক্ষান্ত পৰীক্ষা আৰু উচ্চতৰ মাধ্যমিক পৰীক্ষাত সুখ্যাতিৰে উত্তীৰ্ণ কৃতি ছাত্ৰ-ছাত্ৰীক সম্বৰ্দ্ধনা

বৰপেটাঃ আজি বৰপেটা জিলাৰ চেঙা অঞ্চলৰ হাইস্কুল শিক্ষান্ত পৰীক্ষা আৰু উচ্চতৰ মাধ্যমিক পৰীক্ষাত সুখ্যাতিৰে উত্তীৰ্ণ হোৱা কৃতি ছাত্ৰ-ছাত্ৰীসকলক সম্বৰ্দ্ধনা জনোৱাৰ লক্ষ্যৰে ভাৰতীয় জনতা যুৱমৰ্চা বৰপেটা জিলা চেঙা মণ্ডলৰ তৰফৰ পৰা শুভাৰ চেঙা সমূহীয়া ভৱনত এটি সম্বৰ্দ্ধনা অনুষ্ঠান আয়োজন কৰে৷

সম্বৰ্দ্ধনা অনুষ্ঠানটোত উপস্থিত থাকে ভাৰতীয় জনতা যুৱমৰ্চা ৰাজ্যিক সভাপতি শ্ৰীযুত অনুপ বৰ্মন ডাঙৰীয়া ভাৰতীয় জনতা পাৰ্টি চেঙা মণ্ডলৰ সভাপতি শ্ৰীযুত সঞ্জয় মজুমদাৰৰ লগতে বৰপেটা জিলাৰ আন বহুতো বিষয়াসকল। সম্বৰ্দ্ধনা অনুষ্ঠানটোত কৃতি ছাত্ৰ-ছাত্ৰীসকলক এখন ফুলাম গামোচা,এখন মানপত্ৰৰ লগতে এটি গছপুলিৰে সম্বৰ্দ্ধনা জনোৱাৰ লগতে তেওঁলোকৰ উজ্জ্বল ভৱিষ্যত কামনা কৰে৷