নিউজ ডেস্কঃ পশ্চিম বংগৰ মুখ্যমন্ত্ৰী মমতা বেনাৰ্জীয়ে ৰাষ্ট্ৰপতি নিৰ্বাচন সম্পৰ্কত কৰিছে এক গুৰুত্বপূৰ্ণ মন্তব্য। এনডিএৰ প্ৰাৰ্থী দ্ৰৌপদী মুৰ্মুক সমৰ্থন দিয়া প্ৰসংগত তেওঁ কৰিছে এই গুৰুত্বপূৰ্ণ মন্তব্য। তেওঁ কৈছে যে, 'যদি বিজেপিয়ে আমাৰ সৈতে আগতে কথা পাতিলেহেঁতেন, আমি দ্ৰৌপদী মুৰ্মুক সমৰ্থন কৰিব পাৰিলোঁহেঁতেন। যদি বিজেপিয়ে আমাক পূৰ্বে জনালেহেঁতেন যে তেওঁলোকে এগৰাকী জনজাতীয় মহিলাক প্ৰাৰ্থী হিচাপে প্ৰক্ষেপ কৰিবলৈ গৈ আছে তেন্তে আমি ইয়াক সমৰ্থন কৰিলোহেঁতেন।
"আমি বিচাৰোঁ যে ৰাষ্ট্ৰপতি নিৰ্বাচন শান্তিপূৰ্ণভাৱে অনুষ্ঠিত হওক। মুখ্যমন্ত্ৰী মমতা বেনাৰ্জীয়ে শুকুৰবাৰে কলকাতাৰ ইস্কন মন্দিৰত প্ৰাৰ্থনা কৰে৷ মুখ্যমন্ত্ৰীয়ে তাৰে পৰাই এক ৰথযাত্ৰা উদ্বোধন কৰে৷ এই সময়ছোৱাত, তেওঁ ৰাষ্ট্ৰপতি নিৰ্বাচনৰ বিষয়ে মন্তব্য কৰি কয়, মই এতিয়া দুখ অনুভৱ কৰিছোঁ, কিন্তু দ্ৰৌপদী মুৰ্মু অতি সুবিধাজনক অৱস্থাত আছে। বিজেপিয়ে এই বিষয়ে পূৰ্বে আলোচনা কৰিলে আমিও তেওঁলোকক সমৰ্থন কৰিব পাৰিলোহেঁতেন, কিন্তু এতিয়া মই সেইটোহে কৰিব লাগিব যিটো সমগ্ৰ বিৰোধীয়ে কৰাৰ সিদ্ধান্ত ল'ব।
উল্লেখ্য যে, ৰাষ্ট্ৰপতি নিৰ্বাচনত এন ডি এৰ প্ৰাৰ্থী হৈছে দ্ৰৌপদী মুৰ্মু আৰু প্ৰাক্তন কেন্দ্ৰীয় মন্ত্ৰী যশোৱন্ত সিনহা বিৰোধী পক্ষৰ পৰা নিৰ্বাচনত অৱতীৰ্ণ হৈছে। যশোৱন্ত সিনহাৰ নাম মুখ্যমন্ত্ৰী মমতা বেনাৰ্জীয়ে আগবঢ়াইছিল। যশোৱন্ত সিনহা টিএমচিৰ উপ-সভাপতি আছিল আৰু ৰাষ্ট্ৰপতি পদৰ বাবে তেওঁৰ নাম ঘোষণা কৰাৰ আগতেই তেওঁ তেওঁৰ পদৰ পৰা পদত্যাগ কৰিছিল।
বিভিন্ন সূত্ৰই জনোৱা মতে, এন ডি এৰ ৰাষ্ট্ৰপতি পদৰ প্ৰাৰ্থী দ্ৰৌপদী মুৰ্মুৱে কংগ্ৰেছৰ মুৰব্বী ছোনিয়া গান্ধী, এনচিপিৰ মুৰব্বী শৰদ পাৱাৰ আৰু পশ্চিমবংগৰ মুখ্যমন্ত্ৰী মমতা বেনাৰ্জীকে ধৰি কেইজনমান গুৰুত্বপূৰ্ণ বিৰোধী দলৰ নেতাক ফোন কৰি তেওঁৰ প্ৰাৰ্থিত্বৰ বাবে তেওঁলোকৰ সমৰ্থন বিচাৰিছিল। সূত্ৰসমূহে সদৰি কৰা মতে দ্ৰৌপদী মুৰ্মুৱে ১৮ জুলাইৰ ৰাষ্ট্ৰপতি নিৰ্বাচনৰ বাবে মনোনয়ন দাখিল কৰাৰ আগতে ব্যক্তিগতভাৱে ফোন কৰিছিল আৰু তেওঁৰ সৈতে কথা পাতিছিল।
