নগৰবেৰাঃ অসম চৰ চাপৰি সাহিত্য সভাৰ দক্ষিণ বৰপেটা জিলা সমিতিৰ উদ্যোগত সদ্যঘোষিত হাইস্কুল শিক্ষান্ত পৰীক্ষা আৰু উচ্চতৰ মাধ্যমিক চুড়ান্ত পৰীক্ষাত সুখ্যাতিৰে উত্তীৰ্ণ হোৱা ছাত্ৰ-ছাত্ৰীক সম্বৰ্ধনা জনোৱাৰ উদ্দেশ্যে আলোপতি মাজৰচৰ বজাৰত এখন সম্বৰ্ধনা সভা অনুষ্ঠিত কৰে।
অনুষ্ঠানত সুখ্যাতিৰে উত্তীৰ্ণ হোৱা কেইবাগৰাকীও ছাত্ৰ-ছাত্ৰীক মানপত্ৰ, অভিধান, কলম আৰু ফুলাম গামোচাৰে সম্বৰ্ধনা জনোৱা হয়। লগতে উদ্যোক্তা সকলে কৃতী ছাত্ৰ-ছাত্ৰীসকলৰ ভবিষ্যত উজ্বল কামনা কৰে। সম্বৰ্ধনা অনুষ্ঠানত উপস্থিত থাকে অসম চৰ চাপৰি সাহিত্য সভাৰ সভাপতি তথা দৈনিক গণ অধিকাৰ কাকতৰ মুখ্য সম্পাদক ড° খবিৰ আহমেদৰ লগতে একাংশ গুণীমানী ব্যক্তিসকল উপস্থিত থাকি কৃতী ছাত্ৰ-ছাত্ৰী সকলোৰ উদ্দ্যেশ্য গুৰুত্বপূৰ্ণ ভাষণ দিয়ে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।