নগৰবেৰাঃ বৰপেটাৰ বাঘবৰ সমষ্টিৰ আলোপতি-মাজৰচৰ বজাৰ আৰু আঞ্চলিক জ্যোতি ক্লাবৰ যৌথ উদ্যোগত স্বাধীনতা দিৱসৰ লগত সংগতি ৰাখি এখনি প্ৰাইজমানি ভলীবল খেল প্ৰতিযোগিতা অনুষ্ঠিত হয়।
খেলখনত দূৰ-দূৰনিৰ কেইবাটাও দলে অংশগ্ৰহণ কৰাৰ লগতে ৰাজ্যিক আৰু আন্তৰাজ্যিক পৰ্য্যায়ৰ কেইবাজনো খেলুৱৈ অংশগ্ৰহণ কৰে৷
জাতি,ধৰ্ম,বৰ্ণ নিৰ্বিশেষে ভাতৃত্ববোধ অটুট ৰখাৰ উদ্দেশ্যে খেলখন উপভোগ কৰিবলৈ অঞ্চলটোৰ বিভিন্ন প্ৰান্তৰ শ-শ দৰ্শকৰ সমাগম ঘটে। খেলখনত প্ৰায়বোৰ দলেই ভাল প্ৰদৰ্শন কৰে যদিও মাজৰ চৰ ভলীবল দ'ল আৰু নগৰবেৰাৰ ভখুৰাদিয়া কচিং চেন্টাৰ দলে ফাইনেলত উঠিবলৈ সক্ষম হয়।
উত্তেজনাপূৰ্ণ ফাইনেল খেলখনত মাজৰচৰ দলটোৱে নগৰবেৰাৰ ভখুৰাদিয়া কচিং চেন্টাৰ দলটোক পৰাস্ত কৰি চেম্পিয়ন হয়৷ ৰাইজে আগন্তুক দিনত এনে প্ৰতিযোগিতা অনুষ্ঠিত কৰিবলৈ কমিটিক আহ্বান জনাইছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।