গৌৰীপুৰঃ আজি ৫ ছেপ্টেম্বৰ। ১৮৮৮ চনৰ ৫ ছেপ্টেম্বৰ তাৰিখত জন্মগ্ৰহণ কৰিছিল দেশৰ প্ৰথম গৰাকী ভাৰত ৰত্ন বিশিষ্ট শিক্ষাবিদ ড: সৰ্বপল্লী ৰাধা কৃষ্ণাণনে। তেওঁ দেশৰ শিক্ষা জগতত আগবঢ়াই যোৱা অৱদানৰ বাবে প্ৰতি বছৰে তেওঁ ওপজা দিনটোক শিক্ষক দিৱস হিচাপে পালন কৰা হয়। ইয়াৰ লগত সংগতি ৰাখি আজি গৌৰীপুৰ শিক্ষা খণ্ডৰ আলমগঞ্জ এফ এ মেমোৰিয়া হাইস্কুল আৰু আলমগঞ্জ-গেৰামাৰী একত্ৰিত উচ্চতৰ মাধ্যমিক বিদ্যালয়ত উলহ-মালহেৰে শিক্ষক দিৱস উদযাপন কৰা পৰিলক্ষিত হয়। আজিৰ এই শিক্ষক দিৱসৰ দিনটোত বিদ্যালয় দুখনত ছাত্র ছাত্ৰী সকলৰ মাজত এক উৎসৱ মুখৰ পৰিৱেশৰ সৃষ্টি হোৱা পৰিলক্ষিত হয়। স্কুলীয়া ছাত্ৰ-ছাত্ৰীসকলে নৃত্য, সংগীত আদি প্ৰতিযোগিতাৰ আয়োজন কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।