ৰঙিয়াঃ কেন্দ্ৰীয় বিদ্যালয়ৰ ছাত্ৰ-ছাত্ৰীসকলক দৈহিক আৰু মানসিকভাবে শক্তিশালী কৰিবলৈ কেন্দ্ৰীয় বিদ্যালয় সংগঠনে অধিক পদক্ষেপ গ্ৰহণ কৰি আহিছে। ফুটবল, ভলীবল, এথলেঠিক্স, কাবাদী টেবুল টেনিছ আদি খেল সমূহৰ ৰাজ্যিক তথা ৰাষ্ট্ৰীয় পৰ্য্যায়ত আনুষ্ঠিত হৈ আহিছে। কেন্দ্ৰীয় বিদ্যালয় সংগঠনে ছাৰ ছাত্ৰীসকলৰ মাজত এনেদৰে খেল সমুহ অনুষ্ঠিত কৰি অহাৰ সময়তে আজিৰ পৰা গুৱাহাটী মণ্ডলৰ অধিনত ৰঙিয়া কেন্দ্ৰীয় বিদ্যালয়ত অনুষ্ঠিত হৈছে টেবুল টেনিছ প্ৰতিযোগিতা।
কেন্দ্ৰীয় বিদ্যিলয়ৰ গুৱাহাটী মণ্ডলৰ অধিনৰ ২০ খন বিদ্যালয়ৰ ছাত্ৰ ছাত্ৰীয়ে যোগদান কৰে টেবুল টেনিছ প্ৰতিযোগিতাত। আজি দিনৰ ভাগত বিশাল সাংকৃতিক অনুষ্ঠানৰ মাজেৰে প্ৰতিযোগিতাৰ শুভ আৰম্ভণি হয়। প্ৰতিযোগিতাখন আনুষ্ঠানিকভাবে শুভ উদ্বোধন কৰে এছ এছ বিৰ ৰঙিয়া হাহাৰাত থকা মুখ্য কাৰ্য্যালয়ৰ এছ এছ বিৰ উপ মহানিৰ্দেশক জগদীপ পাল সিংয়ে। শুভ উদ্বোধনী অনুষ্ঠানটোত এছ এছ বিৰ জোৱান সকলৰ বেণ্ড ৰঙিয়া কেন্দ্ৰীয় বিদ্যালয়ৰ ছাত্ৰ ছাত্ৰী সকলৰ দ্বাৰা আদৰণি সংগীত, বিভিন্ন নৃত্য আদিৰে উপস্থিত অতিথি আৰু খেলুৱৈ সকলক আদৰণি জনোৱা হয়। দুদিনীয়াকৈ অনুষ্ঠিত হব লগীয়া টেবুল টেনিচ প্ৰতিযোগিতা খনত কেন্দ্ৰীয় বিদ্যালয় সমুহৰ পৰা অহা খেলুৱৈ সকলে মাৰ্চপাৰ্চ কৰাৰ পিচত আনুষ্ঠানিক ভাবে প্ৰতিযোগিতাখন উদ্বোধন কৰে এছ এছ বিৰ উপ মহানিৰ্দেশক জগদীপ পাল সিঙে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।