বিহালীঃ আজি বিহালী সমষ্টিৰ বাঘমৰা উন্নয়ন খণ্ডৰ অন্তৰ্গত কেইবাটাও জনকল্যাণমুখী কামৰ আধাৰশিলা স্থাপন কৰে বিহালীৰ বিধায়ক ৰঞ্জিত দত্তই। প্ৰথমে এম.জি. এনৰেগা ২০২২-২৩ বৰ্ষৰ আচঁনিৰ অধীনত মোনাবাৰী খেল পথাৰৰ পৰা ভাগৱতী মন্দিৰলৈ আৰু গৰৈমাৰী পি.ডব্লিউ.ডি. পথৰ পৰা মিচিং গাঁও পেভাৰ ব্লক পথৰ কামৰ আধাৰশিলা স্থাপন কৰোঁ৷ইয়াৰ পিছতে “অসম দৰ্শন” আচঁনিৰ অধীনত নিৰ্মাণ হ’বলগীয়া মোনাবাৰী পঞ্চায়তৰ অন্তৰ্গত নিমবাৰী মঙ্গলা মন্দিৰ আৰু বিহপুখুৰী হনুমান মন্দিৰৰ গৃহৰ লগতে জৰাবাৰী পঞ্চায়তৰ বাঘমাৰী চাহ বাগিছাৰ অলেখ নামঘৰ গৃহৰ আধাৰশিলা স্থাপন কৰে বিধায়ক গৰাকীয়ে৷উক্ত অনুষ্ঠান কেইটাত বিধায়ক গৰাকীৰ লগতে উপস্থিত থাকে বাঘমৰা উন্নয়ন খণ্ডৰ খণ্ড উন্নয়ন বিষয়া ৰাজীৱ কুমাৰ বৰা প্ৰমুখ্যে সহঃ অভিযন্তা,পঞ্চায়তসমূহৰ সভাপতি/সভানেত্ৰীসকল তথা বিশিষ্ট ব্যক্তিসকল আৰু স্থানীয় ৰাইজ৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।