বটদ্ৰৱাঃ সদ্যঘোষিত সৰ্বভাৰতীয় পৰ্যায়ৰ NEET পৰীক্ষাত সুখ্যাতিৰে উত্তীৰ্ণ হৈ নগাঁও জিলাৰ ঐতিহ্যমণ্ডিত আলিটাঙনী লৈ গৌৰৱ কঢ়িয়াই আনিছে মেধাৱী ছাত্ৰ জেৰিফুল ইছলাম আনচাৰীয়ে। আলিটাঙনী গাঁৱৰ ছফিকুল ইছলাম আনচাৰী আৰু জোচনাৰা বেগমৰ সন্তান এইজন মেধাৱী ছাত্ৰ জেৰিফুল ইছলাম আনচাৰীয়ে NEET পৰীক্ষাত সৰ্বমুঠ ৭২০ নম্বৰৰ ভিতৰত ৫৯২ নম্বৰ লাভ কৰি সুখ্যাতিৰে উত্তীৰ্ণ হৈছে। বৃহত্তৰ অঞ্চললৈ গৌৰৱ কঢ়িয়াই অনা মেধাৱী ছাত্ৰ গৰাকীৰ বাসগৃহত উপস্থিত হৈ, আজি অঞ্চলটোৰ কেইবাজনো শিক্ষাবিদ, স্থানীয় আমছু কৰ্মী, সমাজসেৱকে ছাত্ৰজনক সম্বৰ্ধনা জনোৱাৰ লগতে তেওঁৰ পিতৃ মাতৃকো সম্বৰ্ধনা জনাই। ভৱিষ্যতে এগৰাকী সু-চিকিৎসক হৈ মানৱ সেৱা আগবঢ়োৱাৰ ইচ্ছা প্ৰকাশ কৰিছে মেধাৱী ছাত্ৰ জেৰিফুল ইছলাম আনচাৰীয়ে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।