নলবাৰীত মদাহী চালকৰ দৌৰাত্ম্য

নলবাৰী: নলবাৰীত দিনে নিশাই মদাহী চালকৰ চলিছে দৌৰাত্ম্য। অনুজ্ঞাপত্ৰহীন এইসকল চালকৰ বাবে এতিয়া নলবাৰীত সঘনাই সংঘটিত হ'বলৈ ধৰিছে দুৰ্ঘটনা। আনহাতে সুৰা আৰু ড্ৰাগচৰ ঘাটিত পৰিণত হোৱা নলবাৰীত এতিয়া সুৰাসক্ত চালকে চলাইছে সন্ত্ৰাস। নিচাসক্ত এজন যুৱকে ই ৰিক্সাৰে সংঘটিত কৰিলে এক দুৰ্ঘটনা।

পিছে এই চালকজনে নিচাৰ কোবত একো গমেই নাপালে। নিচাসক্ত চালকক সংগ দিয়া আন এজন যুবকে আকৌ সাংবাদিকক কৰিলে আক্ৰমণ। দলিয়াই দিলে সাংবাদিকৰ ম'বাইল কেমেৰা। আনকি দুৰ্ঘটনা সংঘটিত কৰি ৰখাই থোৱা চাইকেল বাইক আদিও ভাঙি চুৰমাৰ কৰাৰ লগতে বাইকৰ গৰাকীক ওলোতাই প্ৰহাৰ কৰে।

এইদৰে এতিয়া নিশা হ'লেও নলবাৰীৰ ৰাজপথ হৈ পৰে যম পুৰি।