লংকাত মহিলাৰ আত্মহত্যাৰ চেষ্টা: চিকিৎসালয়লৈ প্ৰেৰণ

লংকা: হোজাই জিলাৰ লংকাৰ ৭ নম্বৰ পূৱ উদালীত অগ্নিদগ্ধ এগৰাকী বিবাহিত মহিলা। মহিলাগৰাকীৰ নাম দিপীকা বৰা। ঘটনা সন্দৰ্ভত জানিব পৰা মতে লংকাৰ ৭ নম্বৰ উদালীৰ দিপীকা বৰা দেৱী নামৰ বোৱাৰীগৰাকীয়ে স্বামী ঘৰৰ পিছফালে গৈ নিজৰ দেহত কেৰাচিন তেল ঢালি অগ্নিসংযোগ কৰে। পিছত মাতৃ পৰিয়ালে খবৰ পাই স্বামী ঘৰত উপস্হিত হৈ দিপীকাক লংকা প্ৰাথমিক চিকিৎসালয়লৈ লৈ আহে যদিও নগাঁৱলৈ প্ৰেৰণ কৰে মহিলাগৰাকীক।

ঘটনাৰ কাৰণ বৰ্তমানেও জানিব পৰা নাই। আৰক্ষীয়ে তদন্তত পিছতহে প্ৰকৃত ঘটনা পোহৰলৈ আহিব।