অসম-নাগালেণ্ড সীমান্তত খটখটি আৰক্ষীৰ অভিযান: চাহপাত ভৰ্তি ট্ৰাক উদ্ধাৰ

বোকাজান: বোকাজানৰ অসম-নাগালেণ্ড সীমান্তত খটখটি আৰক্ষীৰ অভিযান। তিনিচুকীয়াৰ পৰা চুৰি হোৱা WB 19 G 7465 নম্বৰৰ চাহপাত ভৰ্তি ট্ৰাক উদ্ধাৰ। তিনিচুকীয়াৰ পৰা চাহপাত ভৰ্তি ট্ৰাকখন যাব লাগিছিল গুৱাহাটীলৈ। গুৱাহাটীৰ পৰিৱৰ্তে চালক-হেণ্ডিমেনৰ সহযোগত নুমলীগৰৰ পৰা ডিমাপুৰলৈ হাইজেক কৰা হৈছিল ট্ৰাকখন। খটখটি আৰক্ষীয়ে চালক-হেণ্ডিমেনসহ মুঠ ৮ গৰাকী ব্যক্তিক আটক কৰিছে। আটকাধীন ক্ৰমে তিলক বিশ্বকৰ্মা (চালক), সুমন ছেত্ৰী (হেণ্ডিমেন), গিলবাৰ্ট পাও, সুবোধ যাদৱ, ৰাণা চৌধুৰী, বিকি দেব, কাৱী কিহ, স্বৰূপ চাহানি।

উক্ত দলটোৱে সামগ্ৰী ভৰ্তি ট্ৰাকখন হাইজেক কৰি ডিমাপুৰত বিক্ৰীৰ পৰিকল্পনা কৰি থাকোতেই খটখটি আৰক্ষীৰ জালত পৰে। সমগ্ৰ উদ্ধাৰ অভিযানৰ নেতৃত্বত আছিল বোকাজানৰ SDPO পদ্ম পেগু।