কামপুৰৰ তেঁতেলীসৰাত ড০ ভূপেন হাজৰিকাক স্মৰণ আৰু কৃতী ছাত্ৰ-ছাত্ৰীক সম্বৰ্ধনা

কামপুৰঃ শনিবাৰৰ নিশা কামপুৰৰ তেঁতেলীসৰা পাঁচআলিত বহ্নিমান আত্মসহায়ক গোটৰ উদ্যোগত ড০ ভূপেন হাজৰিকাক স্মৰণ আৰু ছাত্ৰ-ছাত্ৰীক সম্বৰ্ধনা অনুষ্ঠান অনুষ্ঠিত হয়। এই উপলক্ষে অনুষ্ঠিত হোৱা এখন সভাৰ সভাপতিত্ব কৰে অঞ্চলটোৰ সমাজকৰ্মী পুনু হাজৰিকাই। এই অনুষ্ঠানটোত অঞ্চলটোৰ গাঁও প্ৰধান দিলীপ হাজৰিকা; পঞ্চায়ত সভাপতি দীন নাথ বৰদলৈকে কেইবাগৰাকীও শিক্ষকে সুধাকণ্ঠৰ জীৱন দৰ্শনৰ ওপৰত বহলায় বাখ্যা কৰে। সভাখনতে অঞ্চলটোৰ বহুকেইগৰাকী কৃতী ছাত্ৰ-ছাত্ৰীক সম্বৰ্ধনা জনাই। আনফালে ইয়াতেই ড০ ভূপেন হাজৰিকাৰ গীত নৃত্যৰ এক অনুষ্ঠান অনুষ্ঠিত হয়।