ৰঙিয়াত সন্ধান কেয়াৰ চ’ছাইটিৰ উদ্যোগত লোকগীত সম্ৰাট ৰামেশ্বৰ পাঠকৰ সপ্তম মৃত্যুতিথি পালন

ৰঙিয়াঃ লোকগীতৰ কাণ্ডাৰী প্ৰয়াত ৰামেশ্বৰ পাঠকৰ সপ্তম মৃত্যুবাৰ্ষিকী আজি ৰঙিয়াত পালন কৰা হয়। ৰঙিয়াৰ আগশাৰীৰ সামাজিক সংগঠন সন্ধান কেয়াৰ চ’ছাইটিৰ উদ্যোগত ৰঙিয়াৰ ঐতিহাসিক কৃষক ভৱনত অনুষ্ঠিত হোৱা শ্ৰদ্ধাঞ্জলি অনুষ্ঠানত কেইবাগৰাকী সংগীত শিল্পীয়ে অংশগ্ৰহণ কৰে। সন্ধিয়াৰ ভাগত অনুষ্ঠিত হোৱা শ্ৰদ্ধাঞ্জলি কাৰ্য্যসূচীত প্ৰথমে মহান শিল্পী গৰাকীৰ প্ৰতিচ্ছবিত বন্তি প্ৰজ্বলন কৰে বিশিষ্ট বাহীবাদক শম্ভূ কাকতিয়ে আৰু মাল্যঅৰ্পন কৰে সন্ধান কেয়াৰ চ'চাইটিৰ সম্পাদিকা কণিকা বুজৰবৰুৱাই। অনুষ্ঠানটো কেইবাগৰাকী লোকগীত শিল্পীয়ে প্ৰয়াত শ্ৰদ্ধাঞ্জলি জনাই কেইবাটাও কামৰূপীয়া লোকগীত পৰিৱেশন কৰে।