শিৱসাগৰ জিলাৰ বকতা মাহখোৱাবাৰী প্ৰাথমিক বিদ্যালয়ত ৰাইজৰ উৎসৱ উদযাপন

নাজিৰাঃ শিৱসাগৰ জিলাৰ শিৱসাগৰ আৰু খেলুৱা শিক্ষা খণ্ডৰ অধীনৰ বাখৰ বেঙেনা সমল কেন্দ্ৰৰ উদ্যোগত আৰু শিক্ষা বিভাগৰ সহযোগত আজি বকতা মাহখোৱাবাৰী প্ৰাথমিক বিদ্যালয়ত বৰ্ণাঢ্য কাৰ্যসূচীৰে "ৰাইজৰ উৎসৱ -২০২২" উদযাপন কৰা হয়। অঞ্চলটোৰ ১৪ খন বিদ্যালয়ৰ শিক্ষক শিক্ষয়িত্ৰী তথা ছাত্ৰ-ছাত্ৰী আৰু স্থানীয় ৰাইজৰ অংশগ্ৰহণেৰে আয়োজিত বৰ্ণাঢ্য সাংস্কৃতিক কাৰ্যসূচী মুকলি কৰে খেলুৱা খণ্ড শিক্ষা বিষয়া মহেন্দ্ৰ শৰ্মাই। অনুষ্ঠানত বিদ্যালয় সমুহৰ ছাত্র-ছাত্ৰী আৰু অভিভাৱক সকলৰ মাজত বিভিন্ন প্ৰতিযোগিতা অনুষ্ঠিত হয়। অনুষ্ঠানৰ মুকলি সভাত মুখ্য অতিথি ৰূপে অংশগ্ৰহণ কৰে শিৱসাগৰ জিলা শিক্ষা বিষয়া কমলজ্যোতি গগৈৰ লগতে থাওৰা সমষ্টিৰ প্ৰাক্তন বিধায়ক কুশল দুৱৰীয়ে।