কলগাছিয়াঃ বৰপেটা জিলাৰ জনীয়া সমষ্টিৰ প্ৰাণকেন্দ্ৰ স্বৰূপ কলগাছিয়াত আজি দ্বাদশ কলগাছিয়া গ্রন্থমেলাৰ লাইখুঁটা স্থাপন কৰে কলগাছিয়া ৰাজহ চক্ৰৰ চক্ৰ বিষয়া চন্দনা বৰুৱা বিৰকমীয়া। ২৪ ডিচেম্বৰৰ পৰা ৩০ ডিচেম্বৰলৈ ৭ দিনীয়া কাৰ্যসূচীৰে অনুষ্ঠিত হ’ব দ্বাদশ কলগাছিয়া গ্ৰন্থমেলা। চলিত মাহত অনুষ্ঠিত হ’বলগীয়া গ্ৰন্থ মেলাৰ প্ৰতিটো কাৰ্যসূচী সাফল্যমণ্ডিত কৰিবলৈ সকলোৰে সহায় সহযোগিতা আৰু অংশগ্ৰহণ আশা কৰিছে আয়োজক সমিতিয়ে।
লগতে চক্ৰ বিষয়াই কলগাছিয়াৰ ৰাইজৰ লগতে গ্ৰন্থমেলাৰ কমিটিক অভিনন্দন জনোৱাৰ উপৰি হাফল্যমণ্ডিত কৰাৰ আহ্বান জনায়। আজিৰ এই অনুষ্ঠানত উপস্থিত থাকে ৰূপসী উন্নয়ন খণ্ডৰ খণ্ড উন্নয়ন বিষয়া নৱৰত্ন পাটোৱাৰী, বৰপেটা জিলাৰ জিলা পৰিষদৰ উপ সভাপতি শামচুল হক, জনীয়া জিলা পৰিষদ সদস্য এম হাবিব উল্লাহ, বৰভিঠা জিলা পৰিষদ সদষ্যা মহেলা খাতুন, কলগাছিয়া ব্লক কংগ্ৰেছৰ সভাপতি ড° ছোৰমান আলী আহমেদৰ লগতে দ্বাদশ কলগাছিয়া গ্ৰন্থমেলাৰ সম্পাদক প্ৰধান নুৰুল হক আদি ভালেসংখ্যক মান্যবৰ ব্যক্তি উপস্থিত থাকে।
