নাৰায়্ণপুৰঃ নাৰায়ণপুৰ অঞ্চলৰ অগ্ৰণী শিক্ষানুষ্ঠান ধলপুৰ উচ্চতৰ মাধ্যমিক বিদ্যালয়ৰ বাৰ্ষিক বঁটা বিতৰণি অনুষ্ঠান আজি দিনৰ ভাগত বিদ্যালয়খনত উলহ-মালহেৰে আয়োজন কৰা হয়। উক্ত সভাখনত উপস্থিত থাকে ধলপুৰ উচ্চতৰ মাধ্যমিক বিদ্যালয়ৰ সমূহ ছাত্ৰ-ছাত্ৰীৰ লগতে ধলপুৰ অঞ্চলৰ কেইবাগৰাকীও বিশিষ্ট ব্যক্তিৰ লগতে কেইবাগৰাকীও শিক্ষা বিভাগৰ লগত জড়িত কেইবাগৰাকী সন্মানীয় ব্যক্তি। সভাপতিৰ আসন শুৱনি কৰে নাৰায়্ণপুৰ অঞ্চলৰ এগৰাকী বিশিষ্ট ব্যক্তি মুকুল ভঁৰালীয়ে। উক্ত অনুষ্ঠানত উপস্থিত থাকে বিহপুৰীয়া বিধানসভা সমষ্টিৰ বিধায়ক ডঃ অমিয় কুমাৰ ভূঞা। লগতে সভাত উপস্থিত হৈ বিধায়ক ডঃ অমিয় কুমাৰ ভূঞাই ছাত্ৰ-ছাত্ৰীসকলক উদ্দেশ্যি এক সাৰুৱা ভাষণ প্ৰদান কৰাৰ লগতে এক অনুপ্ৰেৰণামূলক বক্তব্য প্ৰদান কৰে।এই সভাত বিগত বৰ্ষত হাইস্কুল শিক্ষান্ত পৰীক্ষা আৰু উচ্চতৰ মাধ্যমিকৰ পৰীক্ষাত সুখ্যাতিৰে উত্তীৰ্ণ হোৱা ছাত্ৰ-ছাত্ৰীসকলক সম্বৰ্ধনা জ্ঞাপন কৰা হয়।শেষত সমূহ ছাত্ৰ-ছাত্ৰীয়ে বিভিন্ন সাংস্কৃতিক অনুষ্ঠানেৰে সভাখনৰ সৌষ্ঠৱ বৃদ্ধি কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।