অসমৰ অন্যতম বৃহৎ জাতীয় সংগঠন অসম জাতীয়তাবাদী যুৱ ছাত্ৰ পৰিষদৰ বিংশতিতম দ্বি-বাৰ্ষিক অধিৱেশনৰ লাইখুঁটা স্থাপনৰ কাৰ্যসূচী আজি শদিয়াত সম্পন্ন হৈ যায়। সংগঠনটোৰ কেন্দ্ৰীয় সমিতিৰ সভাপতি ৰাণা প্ৰতাপ বৰুৱা, সম্পাদক পলাশ চাংমাইয়ে আনুষ্ঠানিকভাৱে লাইখুঁটা স্থাপন কৰা কাৰ্যসূচীটোত অভ্যৰ্থনা সমিতিৰ বিষয়ববীয়াৰ লগতে অঞ্চলটোৰ বহু বিশিষ্ট ব্যক্তি উপস্থিত থাকে। অহা ৫,৬,৭ আৰু ৮ জানুৱাৰী ২০২৩ তাৰিখে শদিয়া চৰকাৰী উচ্চতৰ মাধ্যমিক বিদ্যালয় খেলপথাৰত অনুষ্ঠিত হ’বলগীয়া অধিৱেশনত সকলো ৰাইজৰ সহায়-সহযোগিতা কামনা কৰে অসম জাতীয়তাবাদী যুৱ ছাত্ৰ পৰিষদৰ সম্পাদক পলাশ চাংমাইয়ে। আজি অধিৱেশনৰ মূল মণ্ডপৰ লাইখুঁটা স্থাপনৰ কাৰ্যসূচীত শদিয়া তথা ৰাজ্যৰ বিভিন্ন প্ৰান্তৰ কেইবাশতাধিক ৰাইজ উপস্থিত থাকে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।