কাকপথাৰঃ অসম চৰকাৰৰ ক্ৰীড়া আৰু যুৱ কল্যাণ বিভাগ, ৰাজ্যিক ছাত্ৰ আৰু যুৱ কল্যাণ উপদেষ্টা সমিতি আৰু অইল ইণ্ডিয়া লিমিটেডৰ পৃষ্ঠপোষকতাত অসম এথলেটিকছ সন্থাৰ তত্বাৱধানত তথা সদৌ মৰাণ ছাত্ৰ সন্থাৰ উদ্যোগত আজিৰে পৰা কাকপথাৰ কাঠবস্তীৰ জ্যোতিৰ্ময় মধ্য ইংৰাজী বিদ্যালয় ৰাজহুৱা খেলপথাৰত অনুষ্ঠিত কৰা হৈছে মাণ্ডলিক এথলেটিকছ প্ৰতিযোগিতা। কাকপথাৰ মৰাণ ছাত্ৰ সন্থা, মৰাণ সভা কাকপথাৰ, টঙনা তথা মৰাণ মহিলা পৰিষদৰৰ সহযোগত অনুষ্ঠিত এথলেটিকছ মিটত কাকপথাৰ অঞ্চলটোৰ বহুকেইখন বিদ্যালয়ৰ ছাত্ৰ-ছাত্ৰীয়ে অংশগ্ৰহণ কৰা মিটৰ শুভ উদ্বোধন কৰে মৰাণ স্বায়ত্বশাসিত পৰিষদৰ অধ্যক্ষ ধমেন্দ্ৰ নেওগে। দুদিনীয়া কাৰ্যসূচীৰে অনুষ্ঠিত কৰা মাণ্ডলিক এথলেটিক্ছ মিটত অঞ্চলটোৰ শতাধিক ছাত্ৰ-ছাত্ৰীয়ে অংশগ্ৰহণ কৰিছে। মাণ্ডলিক এথলেটিকচ মিটত বাছনি হোৱা ছাত্ৰ-ছাত্ৰী সকলে তিনিচুকীয়াত অনুষ্ঠিত হ’বলগীয়া জিলা ভিত্তিত এথলেটিক প্ৰতিযোগিতাত অংশগ্ৰহণ কৰিবলৈ সুবিধা পাব বুলি উদ্যোক্তাই জানিবলৈ দিয়ে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।