কামপুৰঃ নগাঁও জিলাৰ নিজ কঠীয়াতলীত দেওবাৰে সদৌ অসম সৎনামী সমাজ কল্যাণ পৰিষদ আৰু অসম সৎনামী যুৱ পৰিষদ নগাঁও জিলা সমিটিৰ উদ্যোগত সৎ নামী সমাজৰ ধৰ্মগুৰু শ্ৰী শ্ৰী ঘাচীদাস বাবাৰ ২৬৬ তম জন্ম উৎসৱটি দিনযোৰা কাৰ্যসূচীৰে অতি উলহ-মালহেৰে নিজ কঠীয়াতলী সৎনামী নামঘৰৰ প্ৰাংগনত উদযাপন কৰা হয়। কাৰ্য্যক্ৰম অনুসৰি পুৱাৰ ভাগত চাফাই অভিযান, সদৌ অসম সৎনামী সমাজ কল্যাণ পৰিষদ আৰু নগাঁও জিলা সমিটিৰ পতাকা উত্তোলন, গুৰুজনাৰ প্ৰতিমূৰ্তিত বন্তি প্ৰজ্বলন, ধৰ্মধজ্বা উত্তোলন, ধৰ্মীয় সাংস্কৃতিক শোভাযাত্ৰাৰ লগতে বিয়লী ভাগত এখনি মুকলি সভা, স্যন্ধা আৰতি অনুষ্ঠান আৰু নিশা এক বাৰেবৰনীয়া সাংস্কৃতিক অনুষ্ঠান আয়োজন কৰিছে। দেওবাৰ অনুষ্ঠিত কৰা উক্ত গুৰু জয়ন্তী উৎসৱটি সাফল্যমণ্ডিত কৰাত জিলাখন ৰ বিভিন্ন প্ৰান্তৰ লগতে অঞ্চলটোৰ বহু ভক্তিপ্ৰাণ ৰাইজে অংশগ্ৰহণ কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।