কলগাছিয়াঃ কলগাছিয়াৰ বলাইপাথাৰ গাঁৱৰ জাকিৰ হুছেইনৰ ঘৰত আজি উদ্ধাৰ হৈছে এটা দুষ্প্ৰাপ্য কেটেলা পহু। জাকিৰ হুছেইনৰ ঘৰৰ পূৱ ফালে থকা বাঁহনিৰ পৰা উদ্ধাৰ হৈছে এই পহুটো। কেটেলা পহু চাবলৈ জাকিৰ হুছেইনৰ ঘৰত গাঁৱৰ ৰাইজে ভিৰ কৰা দেখা গৈছে। প্ৰকৃতিপ্ৰেমী জাকিৰ হুছেইনে ইয়াৰ পূৰ্বেও দুটাকৈ অজগৰ সাপ উদ্ধাৰ কৰি বন বিভাগক সমজাই দিয়ে। আজিও কেটেলা পহু উদ্ধাৰ কৰি জাকিৰ হুছেইনে বন বিভাগক অৱগত কৰিছে। পহুটো ধৰিবলৈ গৈ কেটেলা পহুৰ কাইটৰ আঘাতত জাকিৰ হুছেইনৰ গাত কেইবা ঠাইত জখম হোৱা দেখা গৈছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।