জামুগুৰিহাটৰ ধলাইবিলত খ্ৰীষ্টমাছ উদযাপনৰ ব্যাপক প্ৰস্তুতি

জামুগুৰিহাটঃ শোনিতপুৰ জিলাৰ জামুগুৰিহাটৰ ধলাইবিলৰ খ্ৰীষ্টান মিচন গীৰ্জা চৌহদত খ্ৰীষ্টিয়ান ধৰ্ম্মালম্বী লোকসকলৰ পবিত্ৰ উৎসৱ খ্ৰীষ্টমাছ উদযাপনৰ বাবে চলিছে ব্যাপক প্ৰস্তুতি৷ ইয়াৰ বাবে ধলাইবিল গীৰ্জাঘৰৰ চৌহদ সজাই পৰাই তোলাৰ লগতে বাহ আৰু খেৰৰে থলুৱা গৃহ নিৰ্মাণ কৰাও পৰিলক্ষিত হৈছে৷ কাইলৈ ওৰেতো নিশা আনন্দ উল্লাসৰ মাজেদি পবিত্ৰ খ্ৰীষ্টমাছ উৎসৱ পালন কৰিব বুলি উদ্যোক্তা সকলে জনাইছে৷ ইয়াকে লৈ আজি গীৰ্জা চৌহদত খ্ৰীষ্টান ধৰ্মালম্বী ধৰ্মপ্ৰান ৰাইজে হাতে কামে লাগি শ্ৰম দান কৰাৰ ব্যাপক ব্যস্ততা পৰিলক্ষিত হয়৷