বাইহাটা চাৰিআলিঃ কমলপুৰৰ দিনকৰত আজি পুৱাৰে পৰা দিনযোৰা কাৰ্যসূচীৰে অসম গণ পৰিষদ কমলপুৰ বিধান পৰিষদৰ উদ্যোগত আৰু কমলপুৰ পঞ্চায়ত পৰিষদৰ সহযোগত প্ৰয়াত নুৰুল ইছলামৰ সোঁৱৰণত শ্ৰদ্ধাঞ্জলি অনুষ্ঠান অনুষ্ঠিত কৰা হয়। যোৱা ইং ১৩ ডিচেম্বৰ ২০২২ তাৰিখ মঙলবাৰে অসম গণ পৰিষদ দলৰ জ্যেষ্ঠ নেতা তথা কমলপুৰ বিধান পৰিষদৰ সাধাৰণ সম্পাদক নুৰুল ইছলামে ইহলীলা সম্বৰণ কৰে। তেখেতৰ বিদেহী আত্মাৰ চিৰশান্তীৰ বাবে আজিৰ এই শ্ৰদ্ধাঞ্জলি অনুষ্ঠানটো অনুষ্ঠিত কৰা হয়। পুৱা ন বজাত নুৰুল ইছলামৰ প্ৰতিচ্ছবিত মাল্যাৰ্পন কাৰ্যসূচী তাৰ পিছত স্মৃতিচাৰণ সভা ও শ্ৰদ্ধাঞ্জলিৰ লগতে প্ৰয়াত নুৰুল ইছলামৰ স্মৃতিত এখন স্মৰনিকা উন্মোচন কৰা হয়। এই স্মৰনিকা খন উন্মোচন কৰে কমলপুৰ সমষ্টিৰ প্ৰাক্তন বিধায়ক তথা অ গ প কেন্দ্ৰীয় সাধাৰণ সম্পাদক সত্যব্ৰত কলিতাই। আৰু উক্ত অনুষ্ঠানত উপস্থিত থাকে কমলপুৰ সমষ্টিৰ বিধায়ক দিগন্ত কলিতা।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।