ধূমেৰঘাট আৰক্ষী চকীৰ ভাৰপ্ৰাপ্ত বিষয়া নিপুমনি চৌধুৰীৰৰ নেতৃত্বত আৰক্ষীৰ দলে অভিযান চলাই জলেশ্বৰৰ কাটাৰীহাৰা গাঁৱৰ আব্দুল কুদ্দুছ নামৰ ব্যক্তিৰ ঘৰৰ পৰা চলাই ২৬ টা ড্ৰাগছ ভৰ্তি কন্টেইনাৰসহ এজন লোকক আটক কৰিছে। ধৃত লোকজনৰ নাম বজলুল বাছিত বুলি জানিব পৰা গৈছে। গোৱালপাৰাৰ জলেশ্বৰ বিভিন্ন ঠাইত এতিয়াও একাংশ অসাধু চক্রই চলাই আছে নিষিদ্ধ ড্ৰাগছ ৰমৰমীয়া বেহা। বজলুল বাছিতৰ ঘৰ ধুবুৰী জিলাৰ ফকিৰগঞ্জ আৰক্ষী থানাৰ অন্তৰ্গত আইৰকাটাত। কাটাৰীহাৰাৰ আব্দুল কুদ্দুছৰ ঘৰৰ পৰা বজলুল বাছিতে চলাইছিল ড্ৰাগছৰ ব্যৱসায়। গোপন সুত্ৰৰ পম খেদি আৰক্ষীয়ে চলাইছিল অভিযান।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।