বৰপেটা জিলাৰ কাটাঝাৰ উচ্চতৰ মাধ্যমিক বিদ্যালয় বানীকান্তত সম্প্ৰদায় উৎসৱ উপলক্ষে সাংস্কৃতিক শোভাযাত্ৰা৷ বাৰেবৰণীয়া কৃষ্টি সংস্কৃতিক উজ্জীৱিত কৰাৰ উদ্দেশ্যে চৰকাৰী পৃষ্ঠপোষকতাত উদযাপন কৰা হৈছে সম্প্ৰদায় উৎসৱ৷ এই উপলক্ষে আন ৯ খন বিদ্যালয়ৰ সহযোগত কাটাঝাৰ উচ্চতৰ মাধ্যমিক বিদ্যালয় প্ৰাংগণৰ পৰা কাটাঝাৰ পথাৰ ৰাজীৱ গান্ধী মিনি ষ্টেডিয়ামলৈ বাৰেৰহণীয়া সাংস্কৃতিক শোভাযাত্ৰা উলিওৱা হয়৷ শোভাযাত্ৰাত ছাত্ৰ-ছাত্ৰীসকলৰ দ্বাৰা আমাৰ সমাজ জীৱনৰ লোক কৃষ্টিক প্ৰতিফলিত কৰাৰ উদ্দেশ্যে বিভিন্ন লোককৃষ্টি প্ৰদৰ্শন কৰা হয়৷ উল্লেখ্য যে বিদ্যালয়খনত উদযাপিত সম্প্ৰদায় উৎসৱত বৰপেটা জিলা উপায়ুক্ত আয়ুস গাৰ্গকে ধৰি কেইবাগৰাকীও বিশিষ্ট ব্যক্তি উপস্থিত থকাৰ কথা জানিবলৈ দিয়ে বিদ্যালয় কৰ্তৃপক্ষই৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।