জামুগুৰিহাটঃ শোনিতপুৰ জিলাৰ চতিয়া সমষ্টিৰ অন্তৰ্গত জামুগুৰিহাটৰ লালটাপু ইমামূল মছজিদ প্ৰাংগনত অহা কালি অৰ্থাৎ শুকুৰবাৰে দিনজোৰা কাৰ্য্যসূচীৰে “ওৱাজ মেহফিল”ৰ আয়োজন কৰিছে৷ অঞ্চলটোৰ শিশু, কিশোৰ, কিশোৰী আৰু যুৱক, যুৱতীসকলক ধৰ্মীয় তথা শৈক্ষিক সামাজিক ও আধ্যাত্মিক দিশত আগুৱাই নিয়াৰ লক্ষেৰে উক্ত দিনা পুৱা ১০ বজাৰ পৰা অনুষ্ঠিত হ’ব লগা লালটাপু ইমামূল মছজিদৰ চতুৰ্থ বাৰ্ষিক “ওৱাজ মেহফিল” অনুষ্ঠানটিৰ মূল সভাৰ মূখ্য অতিথিৰ আসন অলংকৃত কৰিব কলকাতাৰ ২৪ পৰগনাৰ হজৰত হাফিজ মৌলানা মুফতি বাকিবিল্লা বুল বুলি চাহাবে৷ বিশিষ্ট অতিথি হিচাবে অংশগ্ৰহণ কৰিব বিশ্বনাথ জিলাৰ কৰৈয়নী আহমদিয়া ইছলামীয়া মাদ্ৰাছাৰ মহতামিম হজৰত মৌলানা কাৰি মুফতি ৰবিউল হাছান বুল বুলি চাহাবে৷ আমন্ত্ৰিত অতিথি হিচাবে অংশগ্ৰহণ কৰিব চতিয়া সমষ্টিৰ বিশিষ্ট যুৱ সমাজকৰ্মী বুলু আহমেদে৷ইয়াৰ লগতে স্থানীয় বহুকেইগৰাকী ওলামাই অনুষ্ঠানটিত অংশগ্ৰহণ কৰি ওৱাজ নছিহত কৰিব বুলিও উদ্যোক্তা সকলে জানিবলৈ দিছে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।