জামুগুৰিহাটঃ চতিয়া সমষ্টিৰ অন্তৰ্গত জামুগুৰিহাটৰ বৰদিকৰাই মিৰি গাঁৱৰ বালিচাপৰি অঞ্চলত পঞ্চদশ বিত্তীয় আয়োগ ২০২০-২১ বৰ্ষৰ অধিনত আঢ়ৈ লাখ টকাৰ ব্যয়ৰে নিৰ্মাণ কৰা মমতা কীৰ্তন গৃহৰ পুৱাই ৰঙা ফিটা কাটি শুভ উদ্বোধন কৰে নদুৱাৰ আঞ্চলিক পঞ্চায়তৰ সভাপতি অজিত পায়েংঙে। উদ্বোধনী ভাষন প্ৰসংগত আঞ্চলিক পঞ্চায়তৰ সভাপতি গৰাকীয়ে কয় যে- দেশৰ প্ৰধানমন্ত্ৰী নৰেন্দ্ৰ মোডী, অসমৰ মুখ্যমন্ত্ৰী ড০ হিমন্ত বিশ্ব শৰ্মাৰ নেতৃত্বাধীন চৰকাৰৰ বাবে আৰু ভৰলী কোঁৱৰ উপাধিৰে বিভূষিত চতিয়া সমষ্টিৰ বিধায়ক পদ্ম হাজৰিকাৰ বলিষ্ঠ পদক্ষেপত বহু পিছপৰা অঞ্চলত এনেধৰণৰ উন্নয়নমূলক আঁচনিৰ জৰিয়তে বিভিন্ন ধৰণৰ উন্নয়নমূলক কাম কৰাৰ আমি সুযোগ লাভ কৰিছো। ৰাইজক দিয়া প্ৰতিশ্ৰুতি সমুহ আমি আখৰে আখৰে পালন কৰি যোৱাৰ লক্ষ্য হাতত লৈ ৰাইজৰ উন্নয়নৰ হকে কাম কৰি যোৱাৰ ক্ষেত্ৰত আমি প্ৰতিজ্ঞাবদ্ধ। শুভাৰাম্ভ অনুষ্ঠানত পঞ্চায়তৰ প্ৰতিনিধিৰ লগতে ৱাৰ্ডৰ সদস্য সদস্যা সকল উপস্থিত থাকে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।