গুৱাহাটীঃ অসমৰ জনপ্ৰিয় সংবাদ প্ৰতিষ্ঠান 'অসম দৈনিক'ৰ যোগেদি বিগত সময়ছোৱাত সমাজৰ প্ৰতি থকা দায়বদ্ধতাৰে বাতৰি পৰিৱেশন কৰি ভিন্ন ধৰ্মাৱলম্বী লোকসকলৰ মাজত ভাতৃত্ববোধ গঢ়ি তুলিবলৈ সক্ষম হোৱা সাংবাদিক তোফাইল আহমেদলৈ আগবঢ়োৱা হ'ল বিশেষ সন্মান।
সমাজৰ প্ৰতি থকা দায়বদ্ধতাক অধিক দৃঢ় আৰু উৎসাহিত কৰাৰ মানসেৰে ভিন্ন ধৰ্মাৱলম্বী লোকেৰে ভৰি থকা এই বৰ অসমৰ ভেটি নিৰ্মাতা জগতগুৰু শ্ৰীমন্ত শঙ্কৰদেৱে আৰু আজান ফকীৰৰ প্ৰাসংগিকতাক সেৱা জনাই অসমৰ এটি আগশাৰীৰ আর্থ-সামাজিক আৰু সাংস্কৃতিক সংস্থা "লাইফ স্মাৰ্ট" গোষ্ঠীৰ তৰফৰ পৰা গুৱাহাটী স্থিত লোক নিৰ্মাণ বিভাগৰ প্ৰেক্ষাগৃহত অনুষ্ঠিত লাইফ স্মাৰ্টৰ পঞ্চম বৰ্ষপুতি অধিবেশনত 'অসম দৈনিক'ৰ স্বত্বাধিকাৰী তোফাইল আহমেদক "শংকৰ- আজান সমন্বয় বঁটাৰে" সন্মানিত কৰা হয়।
উক্ত অনুষ্ঠানটিত বিশিষ্ট কবি, সাহিত্যক, গল্পকাৰ, গীতিকাৰ, সমাজ সেৱক, সাংবাদিক আৰু অন্যান্য বিশিষ্ট ব্যক্তিসকলকো "শংকৰ-আজান সমন্বয় -২০২২" বঁটাৰে সন্মান জনোৱা হয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।