ৰঙিয়াৰ জামতোলাত আজিৰে পৰা অনুষ্ঠিত হৈছে প্ৰাইজমানি ক্ৰিকেট প্ৰতিযোগিতা। বৃহত্তৰ অঞ্চলটোত ক্ৰীড়া ক্ষেত্ৰখনৰ উন্নয়নৰ লক্ষ্যৰে অনুষ্ঠিত কৰা হয় প্ৰতিযোগিতাৰ উদ্বোধনী অনুষ্ঠান।উক্ত অনুষ্ঠানত জাতীয়তাবাদী যুৱ শক্তি, অসমৰ কেন্দ্ৰীয় সাধাৰণ সম্পাদক প্ৰশান্ত মেধী উপস্থিত থাকি আনুষ্ঠানিকভাৱে উদ্বোধন কৰে। সভাত আমন্ত্ৰিত অতিথিৰূপে উপস্থিত থাকে আৰিমত্ত উচ্চতৰ মাধ্যমিক বিদ্যালয়ৰ অধ্যক্ষ নয়নজ্যোতি দাস, বিশিষ্ট পৰিচালক পঙ্কজ পল্লৱ শৰ্মাৰ লগতে শিক্ষক মুকুল ভূঞা, খগেন দাসেও অংশগ্ৰহণ কৰি প্ৰতিযোগিতাৰ জৰিয়তে ক্ৰীড়াক্ষেত্ৰৰ উন্নয়ন সন্দৰ্ভত মত ব্যক্ত কৰে। সভাৰ পূৰ্বে উপস্থিত বিশিষ্ট লোকসকলক ফুলাম গামোচাৰে আদৰণি জনাই উদ্যোক্তা সমিতিয়ে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।