ঢকুৱাখনাঃ ঘিলামৰাৰ বালিকা মজলীয়া বিদ্যালয়ত অনুষ্ঠিত কৰিলে এক ব্যতিক্ৰমী অনুষ্ঠান। বিদ্যালয়খনৰ ছাত্ৰ-ছাত্ৰীসকলক পিতৃ-মাতৃৰ প্ৰতি ভক্তিভাৱ জাগৰণ উদেশ্যে সোমবাৰে অনুষ্ঠিত হয় পিতৃ-মাতৃৰ পূজন আৰু পোষণ অনুষ্ঠান। পুৱা বিদ্যালয় প্ৰধান শিক্ষক হিৰণ্য গগৈয়ে পতাকা উত্তোলনেৰে শুভাৰম্ভ কৰা অনুষ্ঠানটি ছাত্ৰ-ছাত্ৰীসকলৰ পুষ্টি সাধনৰ বাবে ফল-মূল আৰু বিভিন্ন খাদ্য সামগ্ৰী বিতৰণ ব্যৱস্থা কৰে। তাৰ পিছতে অনুষ্ঠিত হয় মুকলি সভা। মুকলি সভাত উপষ্ঠিত থাকে বৰদলনি শিক্ষা খণ্ডৰ বিষয়া ৰাজীৱ দলে। ঘিলামৰা সামূহিক স্বাস্থ্য কেন্দ্ৰৰ বিজয় শৰ্মা লগতে ঘিলামৰা সংহত শিশু উন্নয়ন প্ৰকল্প বিষয়া দিপা শইকীয়া লগতে বহু বিশিষ্ট ব্যক্তি উপষ্ঠিত থাকে। মুকলি সভাত ছাত্ৰ-ছাত্ৰীৰ শৈক্ষিক আৰু বৌদ্ধিক বিকাশত শিক্ষক আৰু অভিভাৱকৰ ভূমিকাক লৈ এক বক্তিতা অনুষ্ঠান অনুষ্ঠিত কৰে। উক্ত অনুষ্ঠানত কেইবাখনো বিদ্যালয় ছাত্ৰ ছাত্ৰীয়ে সাংস্কৃতিক অনুষ্ঠান পৰিৱেশ কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।